Kva gjer du viss du blir utsett for svindel?

Slik stoppar du svindelen – steg for steg

1. Sperr kortet ditt med ein gong
   Du kan enkelt sperre kortet i mobil- eller nettbanken. Treng du hjelp? Ring vår døgnopne sperreteneste.


2. Kontakt oss
   Ta kontakt så snart du kan. Saman går vi gjennom det som har skjedd og hjelper deg med å opprette ei reklamasjonssak.


3. Meld frå til politiet
   I enkelte tilfelle vil vi be deg levere ei politimelding – særleg dersom pengar er overførte eller kortet er brukt.

Få oversikt: Kva har skjedd?

Stopp opp og tenk tilbake:

• Har du svart på ein e-post eller SMS som bad om personlege opplysningar?
• Har nokon ringt og sagt dei var frå banken?
• Kan nokon ha fått tak i kortet ditt, eingongskodar eller passord?

Å finne ut korleis det skjedde, gjer det lettare å beskytte seg vidare.

Slik kan du beskytte deg mot ny svindel

Desse enkle råda kan styrke tryggleiken din:

• Følg med på kontoen og sei frå om noko verkar rart
• Del aldri BankID, passord eller kodar – heller ikkje med familie eller vener
• Godkjenn aldri innloggingar du ikkje kjenner att
• Ta kontakt med Posten viss du trur nokon har endra adressa di
• Vurder frivillig kredittsperre hos eit kredittopplysningsbyrå

Vi hjelper deg – når du treng det

Det viktigaste er at du seier frå. Jo før, jo betre. Vi møter deg med forståing – og hjelper deg trygt vidare.

Nettvett.no – råd om ID-tjuveri og nettvett

Politiet – råd ved nettsvindel