Berekraft og samfunnsansvar i Valle Sparebank

Som lokal sparebank er vi tett på kundane våre og kjenner regionen vi er ein del av. Difor handlar berekraft for oss både om ansvarleg bankdrift, gode råd til kundane og eit aktivt bidrag til utviklinga av lokalsamfunnet.

For oss er berekraft god bankdrift. Det betyr at vi skal ta ansvarlege val i utlån, rådgiving, drift og samarbeid – og at vi skal bidra til ei utvikling som er god for både menneske, miljø og økonomi.

Slik arbeider vi med berekraft

Berekraft er ein integrert del av strategien vår og den daglege drifta i banken. Vi skal:

• vere ein attraktiv arbeidsplass som bidreg til busetjing og kompetanse lokalt
• støtte frivilligheit og samfunnsnyttige tiltak gjennom gåver og sponsorat
• fremje lokal næringsutvikling gjennom ansvarleg utlån og rådgiving
• bidra til økonomisk tryggleik for privatkundar og verksemder
• kartleggje og redusere klimagassutslepp i tråd med Eika-alliansen sitt mål om netto null innan 2050
• stille forventningar til etikk, miljø og samfunnsansvar hos leverandørar og samarbeidspartnarar

Ansvarleg utlån og rådgiving

Gjennom finansiering av bustader, næringsliv og lokale initiativ er Valle Sparebank med på å påverke utviklinga i lokalsamfunnet. Vi ønskjer å vere ein trygg rådgivar for privatkundar og ein konstruktiv støttespelar for lokalt næringsliv.

Ansvarleg kredittgiving handlar om å ta gode vurderingar, sjå risiko i eit langsiktig perspektiv og bidra til løysingar som er berekraftige både for kunden, banken og samfunnet rundt oss.

Openheit og ansvar i leverandørkjeda

Valle Sparebank legg vekt på openheit, etikk og ansvarlege forretningspraksisar. Vi arbeider for å fremje respekt for grunnleggjande menneskerettar og anstendige arbeidsforhold, og vi forventar at leverandørar og samarbeidspartnarar deler dette ansvaret.

Vi vurderer risiko knytt til etikk, miljø, menneskerettar og arbeidsforhold i relevante delar av verksemda vår, og arbeider for å førebyggje og redusere negative konsekvensar der vi har påverknad.

Ein lokal bank for framtida

Som lokal sparebank har vi både eit ansvar og ei moglegheit til å bidra direkte til berekraftig utvikling i nærområdet vårt. Avgjerdene våre blir tekne nær kundane, med kunnskap om lokale forhold og med eit langsiktig perspektiv.

Målet vårt er å vere ein ansvarleg og relevant bank også i framtida – til beste for kundane våre, lokalsamfunnet og komande generasjonar.