Høge drivstoffprisar kan føre til kansellerte fly

Kva gjer du dersom flyet ditt blir kansellert?

Dersom flyet ditt blir kansellert, er det flyselskapet du skal kontakte først. Ved driftsavvik er det flyselskapet som har ansvar for å hjelpe deg vidare.

Du skal få tilbod om eitt av desse alternativa:

• ombooking til første ledige avgang
• ombooking til ei seinare reise
• refusjon av billettane

Det er viktig at du ikkje avbestiller reisa sjølv. Gjer du det, kan du miste retten til refusjon frå flyselskapet.

Dette dekkjer ikkje reiseforsikringa

Reiseforsikringa dekkjer ikkje refusjon av flybillettar eller andre kostnader som oppstår som følgje av kansellerte flyavgangar.

Det betyr at forsikringa ikkje dekkjer utgifter du får fordi flyet ikkje går som planlagt, sjølv om årsaka er utanfor di kontroll.

Har du bestilt hotell eller feriebolig?

Dersom du har bestilt hotell, feriebolig eller Airbnb utan moglegheit for refusjon, må du sjølv ta kontakt med hotellet eller utleigaren.

Du kan undersøkje om det er mogleg å få heilt eller delvis refusjon ved avbestilling. Slike kostnader er heller ikkje dekte av reiseforsikringa.

Betalt med kredittkort?

Har du betalt flybillettane med kredittkortet vårt og ikkje får refusjon frå flyselskapet, kan du opprette ein reklamasjon med årsak «vare ikkje motteken». Det er likevel viktig at du alltid tek dialogen med flyselskapet først.

For å styrkje saka di bør du leggje ved følgjande dokumentasjon:

• bestillingsstadfesting (reisande, dato, pris og destinasjon)
• dokumentasjon på at reisa er kansellert
• dokumentasjon på at refusjon er etterspurd
• dokumentasjon på eventuelle tilbod (voucher/ombooking) som er avslått
• eventuell tilbakemelding frå flyselskapet om status på refusjonen 

Usikker på kva som gjeld for deg?

Rettar og moglegheiter kan variere frå sak til sak. Start alltid med å kontakte flyselskapet dersom reisa di blir kansellert.

Du kan òg lese meir om reiseforsikring og vilkår her, slik at du veit kva som gjeld før du reiser.