Automatisk auke av spareavtale – smart sparing for framtida
Lat sparinga di vekse i takt med auka prisar og inntekt, og sikre kjøpekrafta til sparepengane dine. Les korleis du enkelt kan aktivere automatisk auke på sparebeløpet.
Har du tenkt på kva ein hundrelapp i dag vil vere verdt om nokre år? Kanskje hugsar du kor mykje sjokolade du fekk for ein hundrelapp for nokre år sidan, samanlikna med i dag? Prisane stig, og inflasjon gjer at pengane mistar litt verdi år for år.
Med gode sparevanar finst det ein smart måte å kompensere for dette. Ved å aktivere automatisk auke av spareavtalen din, bidreg du ikkje berre til at sparinga di held tritt med prisstigninga, men òg til at ho veks over tid.
Gode sparevanar som veks med deg
Får du litt høgare løn kvart år, kvifor ikkje la sparinga følgje same mønster? Det kan òg vere lurt å setje seg nokre økonomiske forsett, til dømes å gjere det til ein fast tradisjon å auke sparebeløpet ditt kvar januar.
Eit enkelt grep som gir stor effekt
La oss seie at du sparer 1 000 kroner i månaden i eit aksjefond. Etter 25 år kan du ha ein saldo på om lag 1,4 millionar kroner. Auker du sparebeløpet med 5 % kvart år, kan summen vekse til nærmare 2 millionar kroner! Tenk kor mykje det kan bety om du sparer til barnet ditt – anten det er til utdanning, bustad eller ein draumereise saman.
(Rekneskapet er basert på at du i 2004 investerte i eit globalt aksjefond som i perioden har gitt i overkant av 10 % avkastning).
Start i dag – enkelt og greitt!
Det er enkelt å kome i gang! Du kan aktivere automatisk auke av spareavtalen din når som helst – anten du opprettar ei ny spareavtale eller går inn og justerer ei eksisterande. Du aktiverer funksjonen med nokre få tastetrykk i mobilbanken eller Smartspar.
Slik aktiverer du automatisk auke av spareavtale:
Aktiver automatisk auke for dei eksisterande spareavtalane dine:
- Opne mobilbanken eller spareappen «Smartspar».
- Gå til «Månadleg sparing» og gå inn på éin og éin spareavtale for å slå på automatisk auke.
- Vel hyppigheit, månad og den prosentsatsen du ønskjer å auke med.
- Trykk på «Bruk», og spareavtalen din blir oppdatert i løpet av kort tid.
- Du kan når som helst endre dette seinare.
Aktiver automatisk auke når du opprettar ei ny spareavtale:
- Opne mobilbanken eller spareappen «Smartspar».
- Gå til «Spar i fond» for å opprette ny sparing på eit fast månadleg beløp.
- Følg stega for å opprette månadleg sparing, og vel eit månadleg sparebeløp.
- På det neste steget kan du slå på automatisk auke dersom du ønskjer det.
- Du kan når som helst endre dette seinare.
Historisk avkastning er inga garanti for framtidig avkastning. Framtidig avkastning vil mellom anna avhenge av marknadsutviklinga, forvaltaren sin dugleik, fondet sin risikoprofil og forvaltningshonorar.