Kvifor gode pensjonsordningar er viktigare enn du kanskje trur
Ei god pensjonsordning er meir enn eit tal på lønnsslippen – ho er eit signal om at du bryr deg om menneska som jobbar hos deg.
Erfaringsmessig ser vi at tilsette i aukande grad er opptekne av kompensasjon utover rein bruttoløn, og gode pensjons- og forsikringsordningar kjem høgt opp på lista. Det kan vere avgjerande for om potensielle tilsette vel deg som arbeidsgivar – eller om dei som allereie jobbar hos deg vel å bli.
Ein viktig del av totalpakken for tilsette
I dagens arbeidsmarknad ser mange etter meir enn berre løn. Gode pensjonsordningar, forsikringar og fleksibilitet tel stadig meir når folk vurderer kvar dei vil jobbe – og kor lenge dei blir. For mange er pensjon ei tryggleik som kan bety like mykje som pengar på konto her og no. Når du tilbyr ei solid pensjonsløysing, viser du at verksemda tek ansvar og set pris på dei tilsette – også i eit lengre perspektiv.
Tips: Sjekk kva prosentsats du har i dag – og korleis den ligg an samanlikna med det som er vanleg i di bransje.
Ei investering i rekruttering og lojalitet
Verksemder som satsar på gode pensjonsordningar, får ofte igjen i form av nøgde, motiverte og lojale medarbeidarar. Ei trygg pensjonsordning kan vere akkurat det som gjer at du får napp når du rekrutterer – eller at dei mest erfarne vel å bli. For mange verksemder er dette ein naturleg del av ein heilskapleg personalstrategi: å vise omtanke, bygge tryggleik og skape stoltheit over arbeidsplassen.
Ei god ordning treng ikkje vere komplisert
Det finst mange måtar å setje saman ei god pensjonsløysing på. Kontakt oss, så får du gode råd om pensjonssparing og hjelp til å finne den ordninga som passar både for verksemda og dei tilsette.